Жанлука Ди Марционинг ижтимоий тармоқдаги хабарига кўра, франциялик ярим ҳимоячи Поль Погбанинг Туриннинг "Ювентус" клубига ўтиши ҳақидаги якуний тафсилотлар бугун ҳал бўлиши керак.
Манбага кўра, томонлар муҳокама қилишлари керак бўлган фақат битта муҳим жиҳат - шартнома узайтириш имконияти билан тўрт йилга ёки уч йилга имзоланиши.
Погбанинг тиббий кўрикдан ўтиши 5-8 июль кунларига белгиланган.
Эслатиб ўтамиз, франциялик футболчи ўтган мавсум охирида "Манчестер Юнайтед"ни тарк этганди. Туринликлардан ташқари, Франциянинг "ПСЖ" клуби ҳам футболчини ўз сафига қўшиб олишга ҳаракат қилмоқда.
Якунланган мавсумда Погба “Манчестер Юнайтед” сафида барча турнирларда 27 та ўйинда майдонга тушиб, битта гол урди ва 9 та голли узатмани амалга оширди. Transfermarkt интернет портали Полнинг бозор нархини 48 миллион еврога баҳоламоқда.
