Душанба оқшомида Франция Миллий профессионал футболчилар иттифоқи (UNFP) талқинига кўра йил лауреатларини тақдирлаш маросими бўлиб ўтмоқда.
Хорижда тўп сураётган энг яхши француз футболчиси совринини «Бавария» вингери Майкл Олисе қўлга киритди. Ўтган йили ушбу мукофот «Реал» аъзоси Килиан Мбаппега насиб этган эди. Шунингдек, «ПСЖ» ҳужумчиси Дезире Дуэ кетма-кет иккинчи йил Лига 1нинг «Энг яхши ёш футболчиси» деб топилганини таъкидлаб ўтиш жоиз.
«ПСЖ» яқинлашиб келаётган чоршанба, 13 май куни Франция чемпионати доирасида «Ланс» меҳмони бўлади. Луис Энрике шогирдларига чемпионликни расмийлаштириш учун ушбу баҳсда мағлуб бўлмасликнинг ўзи кифоя қилади.
