"PSJ" hujumchisi Lionel Messi o‘tgan mavsumda fransuz klubiga 700 million yevro ishlab olish imkonini berdi, deb xabar bermoqda Ispaniyaning Marca nashri.

Manbaga ko‘ra, bu summaga imidj huquqi, marketing va futbolkalardan tushgan daromad kiritilgan.

Manbaning xabariga ko‘ra 35 yoshli argentinalik futbolchining transferi "PSJ"ga 10 ta yangi homiylik shartnomasini tuzish va ijtimoiy tarmoqlardagi obunachilar sonini 15 millionga oshirish imkonini berdi. Jamoa o‘z tarixida birinchi marta bir futbolchining millionlab futbolkasini sotdi.