Opta superkompyuteri 30 may kuni bo‘lib o‘tadigan Chempionlar ligasi finalida «PSJ» va «Arsenal» jamoalarining imkoniyatlarini baholadi. Opta Analyst sayti xabariga ko‘ra, fransuzlarning o‘z sovrinini himoya qilish imkoniyati 56 foizga, «kanonirlar»ning g‘alaba qozonish ehtimoli esa 44 foizga baholanmoqda.

Uchrashuv Budapeshtdagi «Pushkash Arena» stadionida bo‘lib o‘tadi. O‘yinni germaniyalik hakam Daniel Zibert boshqarib boradi. Uchrashuv Toshkent vaqti bilan soat 21:00 da boshlanadi.

Eslatib o‘tamiz, «PSJ» 2024/2025 yilgi mavsumda Chempionlar ligasi g‘olibi bo‘lgan edi. O‘tgan turnir finalida Parij jamoasi Milanning «Inter» klubini 5:0 hisobida mag‘lub etgandi.