"Real"ning sobiq hujumchisi Gonsalo Iguainning fikricha, Karim Benzema yilning eng yaxshi futbolchisiga beriladigan "oltin to‘p"ni olishga loyiq.

“Benzemani 19 yoshimdan beri bilaman. Biz maydondagi pozisiya uchun raqobatchi edik, lekin biz har doim yaxshi munosabatda bo‘lganmiz, hozir ham munosabatlarimiz yaxshi.

Uning dunyoning eng yaxshi hujumchisi ekanligi meni ajablantirmaydi. "Oltin to‘p"? U bunga loyiq”, - dedi Iguain Tyc Sports telekanaliga.

2021/22 yilgi mavsumda 34 yoshli Benzema La Ligada 27 ta, Chempionlar Ligasida esa 15 ta gol urdi. Fransuz madridliklar bilan har ikkala turnirda ham g‘alaba qozongan.