"Реал"нинг собиқ ҳужумчиси Гонсало Игуаиннинг фикрича, Карим Бензема йилнинг энг яхши футболчисига бериладиган "олтин тўп"ни олишга лойиқ.
“Бенземани 19 ёшимдан бери биламан. Биз майдондаги позиция учун рақобатчи эдик, лекин биз ҳар доим яхши муносабатда бўлганмиз, ҳозир ҳам муносабатларимиз яхши.
Унинг дунёнинг энг яхши ҳужумчиси эканлиги мени ажаблантирмайди. "Олтин тўп"? У бунга лойиқ”, - деди Игуаин Tyc Sports телеканалига.
2021/22 йилги мавсумда 34 ёшли Бензема Ла Лигада 27 та, Чемпионлар Лигасида эса 15 та гол урди. Француз мадридликлар билан ҳар иккала турнирда ҳам ғалаба қозонган.