"Manchester Yunayted" "Barselona"ning himoyachi Xarri Maguayrni sotib olish taklifini rad etdi, deya xabar beradi Sun nashri.
Manbaga ko‘ra, "Barselona" Maguayrni "Manchester Yunayted" qiziqayotgan Frenki de Yong transferi bo‘yicha kelishuvga kiritmoqchi bo‘lgan. Biroq “qizil iblislar” Maguayrni qo‘shishdan bosh tortishdi, chunki klubning yangi bosh murabbiyi Erik ten Xag futbolchiga umid bog‘lamoqda.
Xarrining klub bilan shartnomasi 2025 yilgacha mo‘ljallangan. Transfermarkt portali futbolchining narxini 35 million yevroga baholagan.
Maguayr o‘tgan mavsumda barcha turnirlarda 37ta o‘yinda maydonga tushib, 2ta gol urgan.