"Манчестер Юнайтед" "Барселона"нинг ҳимоячи Харри Магуайрни сотиб олиш таклифини рад этди, дея хабар беради Sun нашри.
Манбага кўра, "Барселона" Магуайрни "Манчестер Юнайтед" қизиқаётган Френки де Йонг трансфери бўйича келишувга киритмоқчи бўлган. Бироқ “қизил иблислар” Магуайрни қўшишдан бош тортишди, чунки клубнинг янги бош мураббийи Эрик тен Хаг футболчига умид боғламоқда.
Харрининг клуб билан шартномаси 2025 йилгача мўлжалланган. Transfermarkt портали футболчининг нархини 35 миллион еврога баҳолаган.
Магуайр ўтган мавсумда барча турнирларда 37та ўйинда майдонга тушиб, 2та гол урган.
