Hujumchi Anxel Di Mariya "Yuventus"ga o‘tishga yaqin turibdi, deya xabar beradi jurnalist Fabrisio Romano.

Manbaning ta’kidlashicha, 34 yoshli argentinalik bilan shartnomaning yakuniy tafsilotlari bo‘yicha muzokaralar shu haftada ham kelishuvni tezroq yakunlash uchun davom etadi. Bosh murabbiy Massimiliano Allegri uchun Di Mariya transfer oynasida xarid qilinishi kerak bo‘lgan birinchi o‘rindagi hujumchi.

Oldinroq, Di Mariya yiliga 7 million yevro maosh va bonuslar hamda keyingi yilga uzaytirish imkoniyati bilan bir yillik shartnoma imzolashi xabar qilingandi.

Anxel o‘tgan mavsumda "PSJ" safida 31 ta o‘yinda maydonga tushib, 5 ta gol urdi va 9 ta golga assistentlik qildi.