Ҳужумчи Анхель Ди Мария "Ювентус"га ўтишга яқин турибди, дея хабар беради журналист Фабрицио Романо.
Манбанинг таъкидлашича, 34 ёшли аргентиналик билан шартноманинг якуний тафсилотлари бўйича музокаралар шу ҳафтада ҳам келишувни тезроқ якунлаш учун давом этади. Бош мураббий Массимилиано Аллегри учун Ди Мария трансфер ойнасида харид қилиниши керак бўлган биринчи ўриндаги ҳужумчи.
Олдинроқ, Ди Мария йилига 7 миллион евро маош ва бонуслар ҳамда кейинги йилга узайтириш имконияти билан бир йиллик шартнома имзолаши хабар қилинганди.
Анхель ўтган мавсумда "ПСЖ" сафида 31 та ўйинда майдонга тушиб, 5 та гол урди ва 9 та голга ассистентлик қилди.
