«Реал» президенти Флорентино Перес клуб ичидаги сирларни ташқарига чиқарган — Федерико Вальверде ва Орельен Тчуамени ўртасидаги низо ҳақидаги маълумотни матбуотга сиздирган шахс топилганини маълум қилди.
«Биз Вальверде ва Тчуамени можароси ҳақидаги маълумотни сиздирган одамни топдик. Бу инсон клубдан кетаётгани учун ғазабда. Айнан шу сабабли у маълумотни ташқарига чиқарган. Мен учун маълумотнинг сиздирилиши можаронинг ўзидан ёмонроқ, чунки бу вазият ортида қандайдир каттароқ нарса тургандек таассурот уйғотади», — деди Перес матбуот анжуманида.
Аввалроқ ОАВда ушбу маълумотни Дани Себальос сиздиргани ҳақида миш-мишлар тарқалган эди. Альваро Арбелоа билан муносабатларидаги муаммолар фонида, Себальос сўнгги ўйинларда қайдномага киритилмаяпти.
