"Sautgempton" kelajagi noma’lumligicha qolayotgan "Chelsi" himoyachisi Levi Kolvill bilan shartnoma imzolashga jiddiy kirishmoqda. TalkSport xabariga ko‘ra, "avliyolar" hozirda yosh inglizni qo‘lga kiritish imkoniyatlarini o‘rganishmoqda.
Kolvill xizmatlariga Angliya Premyer-ligasining boshqa klublari ham qiziqish bildirmoqda, jumladan, “Everton”, “Vest Xem” va “Lester”. "Chelsi" futbolchining kelajagi borasida bir qarorga kelishga shoshilmayapti.
Eslatib o‘tamiz, Kolvill o‘tgan mavsumni "Xaddersfild" safida ijarada o‘tkazgan va u bilan Chempionship pley-off bosqichining finaliga chiqqandi.
