"Саутгемптон" келажаги номаълумлигича қолаётган "Челси" ҳимоячиси Леви Колвилл билан шартнома имзолашга жиддий киришмоқда. TalkSport хабарига кўра, "авлиёлар" ҳозирда ёш инглизни қўлга киритиш имкониятларини ўрганишмоқда.
Колвилл хизматларига Англия Премьер-лигасининг бошқа клублари ҳам қизиқиш билдирмоқда, жумладан, “Эвертон”, “Вест Хэм” ва “Лестер”. "Челси" футболчининг келажаги борасида бир қарорга келишга шошилмаяпти.
Эслатиб ўтамиз, Колвилл ўтган мавсумни "Хаддерсфилд" сафида ижарада ўтказган ва у билан Чемпионшип плей-офф босқичининг финалига чиққанди.
