Hujumchi Romelu Lukaku "Inter"ga qaytganidan so‘ng o‘z his-tuyg‘ulari bilan o‘rtoqlashdi.

“Tuyg‘ularimni so‘z bilan tasvirlash qiyin. "Inter" menga ko‘p narsa berdi va bu jamoada o‘tgan safargidan ham yaxshiroq o‘ynashga umid qilaman.

Men uyga qaytgandekman. Milanda men va oilam uchun juda yaxshi bo‘ladi.

Qaytganimdan xursandman. Men har kuni muxlislar va jamoadoshlarimni xursand qilish uchun bor kuchim bilan harakat qilaman", - deya Lukakuning so‘zlarini keltiradi "Inter" sayti.

Belgiya terma jamoasi hujumchisi 2022/23 yilgi mavsumda Milanning "Inter" klubida ijara asosida o‘ynaydi.

Lukaku 2019 yildan 2021 yilgacha “Inter” safida to‘p tepgan. U o‘tgan yozda "Chelsi"ga 115 million yevroga sotilgan edi.