Dortmundning "Borussiya" klubi 17 yoshli hujumchi Jeymi Bayno-Gittens bilan shartnomani tug‘ilgan kuni, 8 avgust kuni uzaytirmoqchi, deb xabar beradi Sport1. Nemis klubi bilan yangi shartnoma 2024/25 yilgi mavsum oxirigacha amal qiladi.
Bayno-Gittens 2020 yilda Dortmundning “Borussiya” klubiga tekinga o‘tgan edi. Futbolchi 2020/21 yilgi mavsumni nemis klubining yoshlar jamoasida o‘tkazdi va o‘tgan mavsumda asosiy jamoada debyut qildi. 2022/23 yilgi mavsumda hujumchi asosiy jamoa bilan mashg‘ulotlarni davom ettirishi mumkin.
17 yoshli angliyalik futbolchi o‘tgan mavsumda "Borussiya" tarkibida 4 ta o‘yinda maydonga tushdi. Shuningdek, hujumchi nemis klubi yoshlar jamoasida barcha musobaqalarda 18ta o‘yinda maydonga tushib, 14ta gol urdi va 3ta golli uzatmani amalga oshirdi.