Дортмунднинг "Боруссия" клуби 17 ёшли ҳужумчи Жейми Байно-Гиттенс билан шартномани туғилган куни, 8 август куни узайтирмоқчи, деб хабар беради Sport1. Немис клуби билан янги шартнома 2024/25 йилги мавсум охиригача амал қилади.

Байно-Гиттенс 2020 йилда Дортмунднинг “Боруссия” клубига текинга ўтган эди. Футболчи 2020/21 йилги мавсумни немис клубининг ёшлар жамоасида ўтказди ва ўтган мавсумда асосий жамоада дебют қилди. 2022/23 йилги мавсумда ҳужумчи асосий жамоа билан машғулотларни давом эттириши мумкин.

17 ёшли англиялик футболчи ўтган мавсумда "Боруссия" таркибида 4 та ўйинда майдонга тушди. Шунингдек, ҳужумчи немис клуби ёшлар жамоасида барча мусобақаларда 18та ўйинда майдонга тушиб, 14та гол урди ва 3та голли узатмани амалга оширди.