"Lasio" yarim himoyachi Sergey Milinkovich-Savich bo‘yicha "Chelsi" va "Nyukasl"ning takliflarini rad etdi, deb xabar beradi Il Massagero.
Manbaga ko‘ra, ingliz klublari 55 million yevro atrofida taklif qilishgan. Rimliklar rahbariyati 70 millionga rozi bo‘lishi mumkin.
Milinkovich-Savich o‘tgan mavsumda "Lasio" tarkibida 47 ta o‘yinda maydonga tushib, 11 ta gol urdi va 12 ta golli uzatmani amalga oshirdi.
27 yoshli serbning “Lasio” bilan shartnomasi 2024 yilning yozida yakuniga etadi. Transfermarkt portali futbolchining narxini 70 million yevroga baholamoqda.