"Barselona" Memfis Depayni "Sevilya" himoyachisi Jyul Kundega almashtirmoqchi.

Andalusiya klubi Kundeni 60-65 million yevroga baholamoqda. "Barselona" futbolchiga faol qiziqish bildirmoqda, biroq hozircha bunday summani taklif qilishga tayyor emas. O‘z navbatida, kataloniyaliklar maoshlarni yengillashtirmoqchi va Depay yozda klubni tark etishi mumkin bo‘lgan futbolchilardan biri.

Ispaniya matbuoti xabar qilishicha, "Barsa" hujumchini "Sevilya" himoyachisiga almashtirmoqchi.

O‘tgan mavsumda futbolchi La Ligada 28 ta o‘yinda maydonga tushib, 12 ta gol urdi va 2 ta golli uzatmani amalga oshirdi.