Ispaniyalik yarim himoyachi Isko "Roma"ga o‘tishdan bosh tortdi, deb xabar beradi AS.
Manbaga ko‘ra, futbolchini shaxsan Italiya klubi bosh murabbiyi Joze Mourinyo ko‘ndirishga harakat qilgan, biroq uni ishontirishning iloji bo‘lmagan. Yarim himoyachi yo Ispaniyada qolmoqchi yoki Chempionlar ligasida o‘ynaydigan klubga o‘tmoqchi.
30 yoshli Isko so‘nggi 9 yil davomida "Real"da to‘p tepdi, biroq shartnomasi muddati tugaganidan keyin 1 iyul kuni jamoani tark etdi. Shu bois u yangi klubga tekinga o‘tishi mumkin.