Yarim himoyachi Xavi Simons "PSJ"dan PSVga o‘tish haqidagi qaroriga izoh berdi. 19 yoshli futbolchi Eyndxoven klubi bilan 5 yillik shartnoma imzoladi.
“Messi, Neymar, Mbappe... Men ular bilan ikki yil davomida har kuni mashg‘ulot o‘tkazdim, ulardan ko‘p narsani o‘rgandim, lekin yakunda o‘yin amaliyoti muhim. Men hozir endigina o‘n to‘qqiz yoshga to‘ldim, shuning uchun o‘zimni yaxshilash uchun qadam kerak", - dedi Simons ESPN nashriga.
O‘tgan mavsumda Simons "PSJ" safida 9 ta o‘yinda maydonga tushib, 1 ta golli uzatmani amalga oshirgan. Yarim himoyachi, shuningdek, UYEFA Yoshlar ligasining 7 ta o‘yinida 4 ta gol va 6 ta golli uzatmaga mualliflik qilgan.