Ярим ҳимоячи Хави Симонс "ПСЖ"дан ПСВга ўтиш ҳақидаги қарорига изоҳ берди. 19 ёшли футболчи Эйндховен клуби билан 5 йиллик шартнома имзолади.
“Месси, Неймар, Мбаппе... Мен улар билан икки йил давомида ҳар куни машғулот ўтказдим, улардан кўп нарсани ўргандим, лекин якунда ўйин амалиёти муҳим. Мен ҳозир эндигина ўн тўққиз ёшга тўлдим, шунинг учун ўзимни яхшилаш учун қадам керак", - деди Симонс ESPN нашрига.
Ўтган мавсумда Симонс "ПСЖ" сафида 9 та ўйинда майдонга тушиб, 1 та голли узатмани амалга оширган. Ярим ҳимоячи, шунингдек, УЕФА Ёшлар лигасининг 7 та ўйинида 4 та гол ва 6 та голли узатмага муаллифлик қилган.