"Barselona"ning sobiq prezidenti Sandro Rozel o‘zining siyosiy faoliyatini e’lon qildi.
U El Paradico nashriga bergan intervyusida 2023 yilda bo‘lib o‘tadigan saylovlarda Barselona meri lavozimiga o‘z nomzodini qo‘yishni rejalashtirayotganini ma’lum qildi. Uning ta’kidlashicha, yakuniy qaror 2022 yil Rojdestvoga qadar qabul qilinadi.
Sandro, shuningdek, u o‘zini biron bir faol siyosiy partiyadan nomzod sifatida ko‘rsatish niyatida emasligini qo‘shimcha qildi. Uning so‘zlariga ko‘ra, “shahar kengashi uchun professional siyosatchilardan ko‘ra professional menejerlar yaxshiroq”.
Rozel 2010 yildan 2014 yilgacha Kataloniya klubi prezidenti lavozimida ishlagan va janjal tufayli iste’foga chiqqan. U pul yuvishda ayblangan.
