"Барселона"нинг собиқ президенти Сандро Розель ўзининг сиёсий фаолиятини эълон қилди.
У El Paradico нашрига берган интервюсида 2023 йилда бўлиб ўтадиган сайловларда Барселона мэри лавозимига ўз номзодини қўйишни режалаштираётганини маълум қилди. Унинг таъкидлашича, якуний қарор 2022 йил Рождествога қадар қабул қилинади.
Сандро, шунингдек, у ўзини бирон бир фаол сиёсий партиядан номзод сифатида кўрсатиш ниятида эмаслигини қўшимча қилди. Унинг сўзларига кўра, “шаҳар кенгаши учун профессионал сиёсатчилардан кўра профессионал менежерлар яхшироқ”.
Розель 2010 йилдан 2014 йилгача Каталония клуби президенти лавозимида ишлаган ва жанжал туфайли истеъфога чиққан. У пул ювишда айбланган.