"Atalanta" yarim himoyachisi Matteo Pessina "Monsa"ga o‘tdi. Klub sayti xabariga ko‘ra, A Seriyada debyut mavsumni o‘tkazadigan klub futbolchini sotib olish imkoniyati bilan mavsum uchun ijaraga oldi.

25 yoshli yarim himoyachining transferi 15 million yevroga baholanmoqda.

Pessinaning o‘zi "Monsa" tarbiyalanuvchisi. Futbolchi yetti yil davomida klubning yoshlar akademiyasida harakat qilgan.

2021/22 yilgi mavsumda Pessina “Atalanta” safida 37 ta o‘yinda maydonga tushib, 2 ta gol urdi va 1 ta golli uzatmani amalga oshirdi.