Madridning “Atletiko” klubi hujumchisi Alvaro Morata “Yuventus”ga qaytishga umid qilmoqda.

Ispaniyalik futbolchi avvalgi ikki mavsumni Turin klubida ijara asosida o‘tkazgan. "Yuventus" hujumchini sotib olish borasida "Atletiko" bilan kelisha olmadi, ammo futbolchi hali ham Italiyaga qaytishi mumkin.

Insayder Nikolo Skiraning so‘zlariga ko‘ra, Morataning o‘zi bu yozda doimiy ravishda byankonerilar lageriga ko‘chib o‘tmoqchi. Futbolchining agenti klub rahbariyati bilan ehtimoliy kelishuvni muhokama qilishda davom etmoqda.

Alvaro Morata o‘tgan mavsumda “Yuventus” safida 48 ta o‘yinda maydonga tushib, 12 ta gol urdi va 9 bor jamoadoshlariga assistentlik qildi.