Himoyachi Kalidu Kulibali yozgi transferlar vaqtida jamoani tark etishi mumkin. Jurnalist Janluka Di Marsioning yozishicha, 30 yoshli senegallik futbolchi “Napoli”ni tark etsa, Italiyada qolishni istamaydi. Futbolchiga "Chelsi" va "Barselona" klublari qiziqish bildirmoqda.
Kulibalining “Napoli” bilan amaldagi shartnomasi 2023 yilning iyunigacha amal qiladi. Transfermarkt portali futbolchining narxini 35 million yevroga baholamoqda.
2021/22 yilgi mavsumda himoyachi barcha musobaqalarda 34 ta o‘yin o‘tkazib, 3 ta gol urdi va 3 ta golli uzatmani amalga oshirdi.
