"Manchester Yunayted" "Barselona" yarim himoyachisi Frenki de Yongning transferini 65 million yevro va bonuslar sifatida 25 million yevro evaziga kelishib oldi, deb xabar beradi The Telegraph.

Manbaga ko‘ra, 25 yoshli niderlandiyalik futbolchining ingliz klubiga o‘tishi 2020/21 yilgi mavsumdan beri “Barselona” yarim himoyachi oldidagi maosh va bonuslar bo‘yicha qarzi tufayli kechiktirilgan, o‘shanda De Yong pandemiya sabab to‘lovlarini kechiktirishga rozi bo‘lgan.

Qayd etilishicha, Frenkining asosiy maoshi yiliga 14 million yevroni tashkil qiladi.

Shu bilan birga, yarim himoyachi o‘tgan mavsumda vaqtinchalik maoshini 11 millionga, o‘tgan mavsumda esa besh millionga kamaytirishga rozi bo‘lgan. Shunday qilib, ish haqi bo‘yicha qarzlar 16 million yevro.

Shuningdek, Kataloniya klubi de Yongdan to‘rt million yevro miqdoridagi bonuslardan qarzi bor. Ushbu to‘lov futbolchi ikki mavsumda kamida 60 foiz o‘yin o‘tkazgani uchun beriladi.

Frenki o‘tgan mavsumda kataloniyaliklar safida barcha turnirlarda 45 o‘yinda 4 ta gol urdi va 5 ta golli uzatmani amalga oshirdi. Yarim himoyachining klub bilan shartnomasi 2026 yilning 30 iyuniga qadar mo‘ljallangan.