"Chelsi" "Yuventus" va Niderlandiya terma jamoasi himoyachisi Matteys De Ligtni qo‘lga kiritish uchun kurashdan tashqarida, deb xabar beradi Sport1 jurnalisti Kerri Xou.

Futbolchining o‘zi "Bavariya"ga o‘tish istagini bildirganidan keyin London klubi muzokaralardan voz kechdi.

"Bavariya" ayni damda "Yuventus"ga De Ligt transferi bo‘yicha taklif tayyorlamoqda. Bonuslarni qo‘shganda, taxminan 90 million yevroni tashkil qilishi mumkin.

De Ligt “Yuventus”ga 2019 yilda “Ayaks”dan 85,5 million yevro evaziga o‘tgan edi.