“Yuventus” niderlandiyalik himoyachi Matteys de Ligt sotilgan taqdirda 3-4 nafar futbolchi sotib olishi mumkin, deb xabar bermoqda jurnalist Janluka Di Marsio sayti.
Manbaga ko‘ra, Turin klubi himoyachilar Kalidu Kulibali (Napoli) va Nikola Milenkovich (Fiorentina), shuningdek, yarim himoyachi Nikolo Dzanyolo (Roma) bilan qiziqmoqda. Shuningdek, hujumchi Alvaro Morataning (“Atletiko Madrid”) qaytish varianti ham istisno etilmagan.
Oldinroq de Ligtga "Bavariya", "Chelsi" va "Manchester Yunayted" klublari qiziqish bildirayotgani haqida xabarlar tarqalgan edi. “Yuventus” niderlandiyalik futbolchini 90-100 million yevroga sotishi mumkin.
