ESPN xabariga ko‘ra, "Manchester Yunayted" "Ayaks" bilan himoyachi Lisandro Martinesni sotib olish bo‘yicha kelishuvga erishmoqda, chunki ular "Barselona" yarim himoyachisi Frenki de Yongni sotib olishdan qo‘rqishmoqda.
Manbaga ko‘ra, mankunianliklar klubi “Ayaks”ga himoyada ham, yarim himoyada ham o‘ynay oladigan 24 yoshli argentinalik futbolchi uchun 50 million yevro to‘lashga tayyorligini ma’lum qilgan.
Qayd etilishicha, "Manchester Yunayted" va Amsterdam klubi o‘rtasidagi muzokaralar de Yongning transferi borasidagi noaniqlik sharoitida kechmoqda.
Shu bilan birga, klub prezidenti Joan Laportaning uni sotmoqchi emasligi haqidagi bayonotlariga qaramay, kataloniyalik yarim himoyachining transferi borasidagi muloqot davom etmoqda. Ammo mankunianliklar transferning mumkinligiga shubha qilishmoqda.
"Manchester Yunayted" Kataloniya klubi bilan 25 yoshli niderlandiyalik uchun bonuslarni hisobga olmaganda, taxminan 65 million yevro to‘lash borasida kelishib oldi. Ammo tomonlar muzokaralarda hali ko‘p qiyinchiliklarni yengib o‘tishlari kerak.
Shuningdek, "Barselona"ning de Yong oldidagi maoshidan qarzi ham qiyinchiliklar tug‘dirmoqda. Shu tariqa, "Manchester Yunayted" Lisandro bilan shartnoma tuzish osonroq bo‘ladi, deb hisoblamoqda.
