"Chelsi" "Chikago" darvozaboni Gabriel Slonina bilan shartnoma imzoladi, deb yozmoqda jurnalist Fabrisio Romano Twitter sahifasida.
Manbaga ko‘ra, London klubi 18 yoshli amerikalik uchun kurashda "Real"ni ortda qoldirdi.
Qayd etilishicha, muzokaralarda londonliklarning yangi egasi Todd Boeli shaxsan o‘zi ishtirok etgan.
Shu bilan birga, darvozabon Amerika klubida ijara asosida qoladi.
Joriy mavsumda Slonina “Chikago” safida 19 ta o‘yinda qatnashib, o‘z darvozasidan 27 ta gol o‘tkazib yuborgan va yetti marta darvozasi daxlsizligini saqlab qolgan.