Namanganning "Navbahor" jamoasini tojikistonlik 23 yoshli sobiq yarim himoyachisi Ehsoni Panshanbe Eronning “Zob Axan” klubi bilan ikki yillik shartnoma imzoladi.

Shundan so‘ng, u “Navbahor”ga miinatdorchilik bildirgan holda, quyidagi gaplarni yozdi:

- Ikki yil davomida o‘ynaganligim bois, ”Navbahor”ga rahmat!  Bu mening futbol faoliyatimdagi unutilmas 2 yil bo‘ldi.

Avvalo, jamoadoshlarimga minnatdorchilik bildirmoqchiman. Birinchi kundan boshlab, ular meni hamma narsada qo‘llab-quvvatladilar. Shuningdek, ushbu 2 yil davomida klubda ishlashga muvaffaq bo‘lgan barcha murabbiylarga katta minnatdorchilik bildirmoqchiman. Ularning har biri klub va futbolchilarning rivojlanishiga katta hissa qo‘shishdi.

“Navbahor” klubining rahbariyatiga klubdagi unutilmas kunlarim uchun minnatdorchilik bildiraman. Bizga yordam berganlarning barchasiga, klubning barcha xodimlariga katta rahmat! Klub men uchun ikkinchi uyimga aylandi.

Eng muhimi – “Navbahor” klubi eng yaxshi muxlislarga ega!

Aziz muxlislarimiz! Sizlarga minnatdorchilik bildirmoqchiman! Yordamingiz uchun tashakkur! Sizlarning e’tiboringiz va g‘amxo‘rligingiz uchun rahmat! Sizlar bizga ishonishdan to‘xtamadingiz, mag‘lubiyatdan keyin yuz o‘girmadingiz, g‘alaba qozonish uchun qo‘shimcha g‘ayrat va kuch berib, bizni qo‘llab-quvvatladingiz! Barchasi uchun  katta rahmat!", - dedi Panshanbe.

Biz Ehsoni Panshanbega yangi jamoasida omad yor bo‘lishini tilaymiz." - deyiladi "Navbahor" rasmiy bayonotida.