Наманганнинг "Навбаҳор" жамоасини тожикистонлик 23 ёшли собиқ ярим ҳимоячиси Эҳсони Паншанбе Эроннинг “Зоб Ахан” клуби билан икки йиллик шартнома имзолади.

Шундан сўнг, у “Навбаҳор”га миинатдорчилик билдирган ҳолда, қуйидаги гапларни ёзди:

- Икки йил давомида ўйнаганлигим боис, ”Навбаҳор”га раҳмат!  Бу менинг футбол фаолиятимдаги унутилмас 2 йил бўлди.

Аввало, жамоадошларимга миннатдорчилик билдирмоқчиман. Биринчи кундан бошлаб, улар мени ҳамма нарсада қўллаб-қувватладилар. Шунингдек, ушбу 2 йил давомида клубда ишлашга муваффақ бўлган барча мураббийларга катта миннатдорчилик билдирмоқчиман. Уларнинг ҳар бири клуб ва футболчиларнинг ривожланишига катта ҳисса қўшишди.

“Навбаҳор” клубининг раҳбариятига клубдаги унутилмас кунларим учун миннатдорчилик билдираман. Бизга ёрдам берганларнинг барчасига, клубнинг барча ходимларига катта раҳмат! Клуб мен учун иккинчи уйимга айланди.

Энг муҳими – “Навбаҳор” клуби энг яхши мухлисларга эга!

Азиз мухлисларимиз! Сизларга миннатдорчилик билдирмоқчиман! Ёрдамингиз учун ташаккур! Сизларнинг эътиборингиз ва ғамхўрлигингиз учун раҳмат! Сизлар бизга ишонишдан тўхтамадингиз, мағлубиятдан кейин юз ўгирмадингиз, ғалаба қозониш учун қўшимча ғайрат ва куч бериб, бизни қўллаб-қувватладингиз! Барчаси учун  катта раҳмат!", - деди Паншанбе.

Биз Эҳсони Паншанбега янги жамоасида омад ёр бўлишини тилаймиз." - дейилади "Навбаҳор" расмий баёнотида.