"PSJ" "Benfika" hujumchisi Gonsal Ramosga qiziqish bildirmoqda, deb yozdi jurnalist Fabrisio Romano.
Manbaning xabariga ko‘ra, fransuz klubi yozgi transfer oynasida futbolchini sotib olish variantini ko‘rib chiqmoqda. Shu bilan birga, Parijliklar “Reyms” hujumchisi Yugo Ekitikeni sotib ololmasa, Ramush zaxira variantidir.
21 yoshli Ramush o‘tgan mavsumda "Benfika" safida barcha turnirlarda 46 ta o‘yinda maydonga tushib, 8 ta gol urdi va 4 ta golli uzatmani amalga oshirdi. Uning klub bilan shartnomasi 2026 yilning yoziga qadar mo‘ljallangan.