"Barselona" yarim himoyachisi Frenki De Yongning agenti "Manchester Yunayted" bosh direktoriga futbolchini sotib olishga harakatni bas qilishni so‘radi. Sport.es xabariga ko‘ra, De Yongning agenti bu transferga qarshi.
Oldinroq klublar yarim himoyachining transferi bo‘yicha 85 million yevroga kelishib olgani xabar qilingandi.
De Yong o‘tgan mavsumda kataloniyaliklar safida barcha turnirlarda 45 o‘yinda 4 ta gol urdi va 5 ta golli uzatmani amalga oshirdi. Uning klub bilan shartnomasi 2026 yilning 30 iyuniga qadar mo‘ljallangan.
