"Барселона" ярим ҳимоячиси Френки Де Йонгнинг агенти "Манчестер Юнайтед" бош директорига футболчини сотиб олишга ҳаракатни бас қилишни сўради. Sport.es хабарига кўра, Де Йонгнинг агенти бу трансферга қарши.
Олдинроқ клублар ярим ҳимоячининг трансфери бўйича 85 миллион еврога келишиб олгани хабар қилинганди.
Де Йонг ўтган мавсумда каталонияликлар сафида барча турнирларда 45 ўйинда 4 та гол урди ва 5 та голли узатмани амалга оширди. Унинг клуб билан шартномаси 2026 йилнинг 30 июнига қадар мўлжалланган.