Myunxenning "Bavariya" klubi "Leypsig"ning avstriyalik yarim himoyachisi Konrad Laymerning transferi bo‘yicha muzokaralarga kirishdi, deb yozdi jurnalist Florian Plattenberg tvitterda.
Manbaga ko‘ra, Myunxen klubi futbolchi uchun 30 million yevrodan kamroq summa to‘lashga tayyor. Shu bilan birga, "Bavariya" futbolchi bilan og‘zaki kelishuvga erishgan.
25 yoshli Laimer o‘tgan mavsumda "Leypsig" safida barcha turnirlarda 42 ta o‘yinda maydonga tushib, 5 ta gol urdi va 6 ta golli uzatmani amalga oshirdi. Uning klub bilan shartnomasi 2023 yilning yoziga qadar mo‘ljallangan.