"Ayaks" himoyachisi Lisandro Martines "Manchester Yunayted"ga o‘tishni yakunlash uchun Angliyaga uchib ketdi.
Insayder Fabrisio Romanoning so‘zlariga ko‘ra, kelishuv allaqachon yopilgan. Argentinalik futbolchi bilan shartnoma 2027 yilgacha mo‘ljallangan. Dastlabki ma’lumotlarga ko‘ra, Martines "Manchester Yunayted"ga 55 million yevroga tushadi.
24 yoshli futbolchi yakshanba kuni tibbiy ko‘rikdan o‘tishi kutilmoqda. Uning maoshi haftasiga 120 ming funtni tashkil qiladi.














