Fransiyaning "Lans" klubi o‘ng qanot himoyachisi Jonatan Kloss faoliyatini Premyer-ligada davom ettirishi mumkin.

29 yoshli futbolchining xizmatlariga "Chelsi" qiziqish bildirgan. Evening Standard xabariga ko‘ra, endilikda "Manchester Yunayted" ham fransiyalik futbolchi uchun kurashga qo‘shilish niyatida.

Klossning potensial transferi 8 million funtga baholanmoqda. London klubi agar Sezar Aspilikueta "Barselona"ga o‘tsa, o‘yinchi sotib olishga harakat qiladi.

2021/22 yilgi mavsumda Kloss Liga 1ning 37 ta uchrashuvida 5 ta gol urdi va 11 ta golli uzatmani amalga oshirdi.