Urugvaylik hujumchi Luis Suares hamon jamoasiz. Futbolchi shu yozda "Atletiko"ni tark etgandi.
Mundo Deportivo xabariga ko‘ra, Suares Chempionlar ligasida o‘ynaydigan klubda faoliyatini davom ettirmoqchi. Bu hafta u kelajagi haqida qaror qabul qilishi kerak. Uning uchun zaxira varianti Urugvayga qaytish.
Avvalroq, futbolchi "Barselona" bazasida mashg‘ulot o‘tkazayotgani xabar qilingandi.
35 yoshli Suares 2014 yildan 2020 yilgacha “Barselona” safida to‘p tepgan. So‘nggi ikki mavsumda Luis "Atletiko Madrid"da o‘ynadi, hujumchi bilan shartnomasi 30 iyunda yakuniga yetdi.