Ukrainalik himoyachi Aleksandr Zinchenko "Manchester Siti"dan Londonning "Arsenal" klubiga o‘tmoqda. Ijtimoiy tarmoq insayderi Nikolo Skiraning xabar berishicha, klublar o‘rtasidagi kelishuv yakuniy bosqichda.
Jurnalistning so‘zlariga ko‘ra, “shaharliklar” ukrainalik futbolchining transferi uchun 35 million yevro olishadi. "Kanonirlar" futbolchi bilan 2027 yilning yoziga qadar uzoq muddatli shartnoma imzolaydi.
Aleksandr 2016 yildan beri "Manchester Siti"da o‘ynab kelmoqda, u "Ufa"dan Tumanli Albionga ko‘chib o‘tgandi. Himoyachi o‘tgan mavsumda Pep Gvardiola jamoasida 28 ta o‘yinda maydonga tushib, 5 ta golli uzatmani amalga oshirgan.