Qozonning “Rubin” klubi futbolchisi Oliver Abildgorga transfer bozorida talablar ko‘payib bormoqda. Fabrisio Romanoning ijtimoiy tarmoq orqali xabar berishicha, futbolchini o‘z safida ko‘rish uchun Yevropa elita chempionatlaridagi bir qator klublar xohlashmoqda.
Manbaga ko‘ra, daniyalik futbolchiga Angliyaning "Nottingem Forest", Germaniyaning "Verder" va Italiyaning "Sampdoriya" klublari qiziqish bildirmoqda. Abildgor shartnomani bekor qilish huquqidan foydalanib, yuqoridagi klublardan biriga o‘tishi mumkin.
Oliver 2020 yildan beri Qozonliklar sharafini himoya qilish kelmoqda. "Rubin" tarkibida u 62 ta jang o‘tkazib, bitta gol urgan va beshta golli uzatmani amalga oshirgan.
