Қозоннинг “Рубин” клуби футболчиси Оливер Абильдгорга трансфер бозорида талаблар кўпайиб бормоқда. Фабрицио Романонинг ижтимоий тармоқ орқали хабар беришича, футболчини ўз сафида кўриш учун Европа элита чемпионатларидаги бир қатор клублар хоҳлашмоқда.
Манбага кўра, даниялик футболчига Англиянинг "Ноттингем Форест", Германиянинг "Вердер" ва Италиянинг "Сампдория" клублари қизиқиш билдирмоқда. Абильдгор шартномани бекор қилиш ҳуқуқидан фойдаланиб, юқоридаги клублардан бирига ўтиши мумкин.
Оливер 2020 йилдан бери Қозонликлар шарафини ҳимоя қилиш келмоқда. "Рубин" таркибида у 62 та жанг ўтказиб, битта гол урган ва бешта голли узатмани амалга оширган.
