Ярим ҳимоячи Витинья шу ёзда «ПСЖ»ни тарк этиши мумкин. Португалиялик футболчини ўз сафига қўшиб олишга Мадриднинг «Реал» клуби қизиқиш билдирмоқда.
Футболчининг парижликлар билан амалдаги шартномаси 2029 йилнинг ёзигача мўлжалланган. Бироқ шартномада 90 миллион евролик товон пули опцияси мавжуд бўлиб, у фақат шу йилнинг ёзида амал қилади. Ушбу банд ярим ҳимоячининг шахсий илтимосига кўра шартномага киритилган эди.
Якунланган 2025/26 йилги мавсумда Витинья «ПСЖ» таркибида барча турнирларда 50 та учрашувда майдонга тушиб, ўз ҳисобига 7 та гол ва 10 та голли узатмани ёздириб қўйди.
