Лондоннинг «Челси» клуби Энцо Мареска учун «Манчестер Сити»дан пул товони (компенсация) талаб қилмоқда. Бу ҳақда инсайдер Николо Скира хабар берди.
Манба берган маълумотларга кўра, «Челси» раҳбарияти «шаҳарликлар»дан молиявий товон пули ундирмоқчи. Фақат шундан кейингина Маресканинг клуб билан тузилган меҳнат шартномасини бекор қилишга яшил чироқ ёқилади (рухсат берилади).
Таъкидланишича, италиялик мутахассис «Манчестер Сити» билан 2029 йилгача мўлжалланган шартнома борасида тўлиқ келишувга эришиб бўлган. Айни пайтда ҳуқуқшунослар вазиятни ҳал қилиш устида фаол иш олиб боришмоқда.
Эслатиб ўтамиз, бундан олдинроқ Хосеп Гвардиола ўн йил давомида фаолият юритган «Манчестер Сити» клубини тарк этишини эълон қилганди.
