Бир мавсумни «Барселона»да ижара асосида ўтказган Маркус Рэшфорднинг келажаги ноаниқлигича қолмоқда. Миш-мишларга кўра, яқинда футболчига эгалик қилувчи «Манчестер Юнайтед» каталонияликларнинг 15 миллион евролик таклифини рад этган.
«Mundo Deportivo» нашрининг янгиланган маълумотларига кўра, 28 ёшли вингернинг атрофидагилар бу маълумотни инкор этишди. Улар каталонияликлар томонидан ҳеч қандай таклиф бўлмаганини, шу сабабли «қизил иблислар» томонидан рад жавоби ҳам берилмаганини билдиришди.
Ижара шартномасида инглиз футболчисини 30 миллион евро эвазига сотиб олиш ҳуқуқи мавжуд. «Барселона» ушбу банддан 15 июнга қадар фойдаланиши мумкин. Аввалроқ Ла Лига гранди бу суммани тўлашга тайёр эмаслиги хабар қилинганди.
