Sport telekanali sharhlovchisi Orif Tolipov o‘z telegram-kanalida Robert Levandovskining "Bavariya"dan "Barselona"ga transferi haqida fikr bildirdi.
"Shubhasiz bu so‘nggi yillarning eng muvaffaqiyatli xaridlaridan. Futbolda so‘nggi 5 yildagi eng kuchli 3 futbolchidan biri Kataloniyaga ko‘chib keldi.
Bu transfer haqida nima deyish mumkin yana bilmadim. Buyog‘iga hammasi Xavi ismli insonning mahoratiga bog‘liq. Agar u yig‘ilayotgan bu tarkibdan unumli foydalana olsa, "Barselona" qandaydir to‘xtatib bo‘lmas mashina bo‘lishi aniq", - deb yozdi Tolipov.
Avvalroq, kataloniyaliklar transfer uchun 45+5 million yevro sarflashi ma’lum bo‘lgandi.
