Sport телеканали шарҳловчиси Ориф Толипов ўз телеграм-каналида Роберт Левандовскининг "Бавария"дан "Барселона"га трансфери ҳақида фикр билдирди.
"Шубҳасиз бу сўнгги йилларнинг энг муваффақиятли харидларидан. Футболда сўнгги 5 йилдаги энг кучли 3 футболчидан бири Каталонияга кўчиб келди.
Бу трансфер ҳақида нима дейиш мумкин яна билмадим. Буёғига ҳаммаси Хави исмли инсоннинг маҳоратига боғлиқ. Агар у йиғилаётган бу таркибдан унумли фойдалана олса, "Барселона" қандайдир тўхтатиб бўлмас машина бўлиши аниқ", - деб ёзди Толипов.
Аввалроқ, каталонияликлар трансфер учун 45+5 миллион евро сарфлаши маълум бўлганди.
