"PSJ" "Bavariya" himoyachisi Luka Ernandesga jiddiy qiziqish bildirmoqda, deya xabar beradi jurnalist Adriyen Grenyer.
Biroq Parij klubi hozircha 26 yoshli fransiyalik futbolchini transfer qilish borasida rasmiy taklif bilan chiqqanicha yo‘q.
Ernandesning "Bavariya" bilan amaldagi shartnomasi 2024 yilning yoziga qadar tuzilgan. Transfermarkt portali futbolchining narxini 50 million yevroga baholamoqda.
Eslatib o‘tamiz, Ernandes Ispaniyaning “Atletiko” klubi akademiyasi bitiruvchisi hisoblanadi. U ilgari hech qachon fransuz klubida o‘ynamagan.