"Yuventus" himoyachisi Matteys De Ligt "Bavariya"ga o‘tishdan oldin tibbiy ko‘rikdan o‘tish uchun Myunxenga uchib ketdi. Ijtimoiy tarmoqlarda niderlandiyalik futbolchi samolyot zinapoyasidan tushayotgani aks etgan video paydo bo‘ldi.
"Bavariya" De Ligt transferi uchun "Yuventus"ga 70 million yevro to‘laydi, turinliklar esa yana 10 millionni bonuslar ko‘rinishida olishlari mumkin bo‘ladi.
Niderlandiyalik futbolchi o‘tgan mavsumda “Yuventus” safida 42 ta o‘yinda maydonga tushib, 3 ta gol urdi va 1 ta golli uzatmani amalga oshirdi.
